Узнагароджанне ўдзельнікаў конкурсу “Буслік-2021”

04.02.2022

4 лютага адбылося ўзнагароджанне ўдзельнікаў лінгвістычнага конкурсу “Буслік-2021”. Ён праводзіцца з 2004 года з мэтай развіцця і падтрымкі цікавасці школьнікаў да вывучэння беларускай мовы, літаратуры і мовазнаўства. Доўгачаканыя вынікі парадавалі многіх навучэнцаў гімназіі-каледжа. З 102 удзельнікаў у гэтым годзе 21 атрымалі прызы. Незалежна ад выніку кожны ўдзельнік атрымлівае прыз "для ўсіх".

Віншуем усіх нераўнадушных да лёсу роднай мовы і запрашаем паказаць свае веды па беларускай мове і літаратуры ў наступным годзе!

"Моўныя скарбы"

28.01.2022

Мова беларуская – скарб, які дастаўся нам у спадчыну ад нашых продкаў. І наш святы абавязак – захоўваць яго. 27 студзеня ў  групе падоўжанага дня 2А  класа адбылося цікавае і займальнае мерапрыемства. Вучні сталі ўдзельнікамі гульні "Моўныя скарбы". Хлопчыкі і дзяўчынкі  атрымалі новыя веды пра спадчыну свайго народа, пазнаёміліся з сімволікай беларускага арнаменту, успомнілі прымаўкі і прыказкі, прачыталі вершы пра Беларусь і родную мову. З вялікай цікавасцю ўдзельнічалі ў гульні "Слоўца да слоўца" і паспрабавалі вышыць родны ўзор.

Э.Д.Аўтушэнка, выхавальнік ГПД

Віктарына “Знакамітыя людзі зямлі беларускай”

21.01.2022

20 студзеня ў 8-х класах прайшла віктарына “Знакамітыя людзі зямлі беларускай”. Яна складалася з сямі блокаў: “Вядомыя гістарычныя асобы Беларусі”, “Знакамітыя асветнікі Беларусі”, “Вядомыя вучоныя з Беларусі”, “Вядомыя ў мастацтве беларусы”, “Знакамітыя касманаўты з Беларусі”, “Вядомыя палітыкі з Беларусі”, “Чэмпіёны з Беларусі”.  

Падчас мерапрыемства гучалі вершы на беларускай мове, вучні даведаліся шмат цікавага пра таленавітых беларусаў, якія сваёй дзейнасцю і выдатным жыццёвым шляхам праславілі свой родны край, прынеслі шмат карыснага не толькі Беларусі, збераглі для нас нацыянальную культуру і мову. Такія заняткі развіваюць кругагляд вучняў, нагадваюць, кім мы, беларусы, павінны ганарыцца і на каго раўняцца.

Настаўнік беларускай мовы і літаратуры Дабравольская І.В.

"Прыйшла Каляда да вашага двара"

13.01.2022

13 студзеня сярод вучняў пачатковых класаў прайшла гульня-квэст "Прыйшла Каляда да вашага двара". Нестандартная форма папулярызацыі беларускага слова выклікала цікавасць сярод вучняў. Дзеці, выконваючы заданні калядоўшчыкаў, даведваліся пра асаблівасці свята. У канцы гульні вучні атрымалі салодкія падарункі.

Гульня “Зямля пад белымі крыламі”

23.12.2021

Каб лепей пазнаць гісторыю, культуру, традыцыі сваёй краіны, выхоўваць любоў да родных мясцін, трэба размаўляць на роднай мове. 23снежня ў групе падоўжанага дня для вучняў 3Б класа  прайшла пазнавальна-інтэлектуальная гульня “Зямля пад белымі крыламі”. Падчас гульні дзеці пазнаёміліся з новымі словамі, разгадвалі крыжаванку, выконвалі пераклад з рускай мовы на беларускую і наадварот, пашыралі свой слоўнікавы запас.

Мерапрыемства “Мая Беларусь”

09.12.2021

9 снежня ў рамках папулярызацыi беларускай мовы ў 3А класе  было праведзена пазакласнае мерапрыемства “Мая Беларусь”. Вучні пазнаёміліся з гісторыяй Беларусі, успомнілі знакамітых людзей, з вялікім задавальненнем разгадвалі загадкі, тлумачылi сэнс прыказак, гулялі ў перакладчыкаў. Мерапрыемства садзейнiчала развiццю мыслення, пазнавальнага інтарэсу, узбагачэнню слоўнікавага запасу вучняў, выхаванню любві да сваёй Радзімы.

Класны кіраўнік 3А класа А.А. Гарадзецкая

Цікавыя факты пра беларускую мову

02.12.2021

2 снежня ў чарговы беларускамоўны чацвер настаўнікі беларускай мовы правялі інфармацыйна-выхаваўчыя хвілінкі, на якіх пазнаёмілі вучняў з цікавымі звесткамі пра беларускую мову. Настаўнікі расказалі пра слоўнікавы склад нашай мовы, пра тое, што яе лічуць самай мілагучнай пасля італьянскай, пра помнік літары “Ў” у Полацку.

Цікавыя факты пра беларускую мову:
- Нашая мова – адная з самых багатых у свеце. Яна налічвае да 500 тысяч слоў, дыялектная – ад 1,5 да 2 мільёнаў.
- Гісторыя яе пісьменства налічвае больш за 10 стагоддзяў.
- Мова мае тры алфавіты: кірыліца, лацініца і арабская вязь.
- Займела статус дзяржаўнай яшчэ ў ВКЛ.
- Паводле UNESCO – самая мілагучная пасля італьянскай.
- У рэйтынгу моў паводле колькасці носьбітаў займае 69-е месца.
- Венгерскі матэматык і лінгвіст Андраш Корнай апублікаваў у 2013-м навуковую працу "Лічбавая смерць моў". Ён вывучаў сусветныя мовы, якія знаходзяцца пад пагрозай вымірання ў інтэрнэце і ў электронных прыладах. Беларуская мова апынулася ў ліку бясспрэчна жывых.
- Прыкладам павагі да беларускай мовы для многіх беларусаў служаць паслы замежных краін, якія актыўна выкарыстоўваць яе ў публічнай сферы.

Адным з першых па-беларуску загаварыў пасол ЗША Джордж Крол. Яго ініцыятыву падхапілі шведскі пасол Стэфан Эрыксан,  літоўскі — Эдмінас Багдонас і іншыя. Гэтыя замежныя дыпламаты натхнілі на вывучэнне роднай мовы многіх беларусаў.
- Скульптурным увасабленнем адметнасці беларускай мовы з'яўляецца помнік літары "Ў" у Полацку (2003 год). Ля падножжа скульптуры выбіты радкі з верша народнага паэта Беларусі Рыгора Барадуліна: "Ад Еўфрасінні, ад Скарыны, ад Полацка пачаўся свет". Аўтар праекту — мастак і дызайнер Ігар Куржалаў.

Дабравольская І.В., настаўнік беларускай мовы і літаратуры

«Я нарадзіўся на гэтай казачнай зямлі»

25.11.2021

Я — беларус, я нарадзiўся
На гэтай казачнай зямлi,
Дзе мiж лясоў i пушчаў дзiкiх
Адвеку прашчуры жылi.
Я — беларус, я ганаруся,
Што маю гэтае iмя:
Аб добрай славе Беларусi
У свеце знаюць нездарма!
Ніл Гілевіч

25 лістапада ў групе падоўжанага дня 3А класа адбылася гутарка «Я  нарадзіўся на гэтай казачнай зямлі». На занятках вучні выказвалі свае меркаванні пра Радзіму, аб мінулым і сучасным, а таксама пашыралі ўяўленне аб роднай краіне праз прыказкі і прымаўкі, прымалі ўдзел у гульні «Перакладчыкі», адгадвалі загадкі, чыталі вершы беларускіх пісьменнікаў.

Выхавальнік ГПД Мурзянкова В.А.

"Беларускія прысмакі"

18.11.2021

Калі на свеце нехта дзесьці
Умее добра працаваць,
То ўмее ён і смачна з’есці,
І, адпаведна, згатаваць!
Таму дастойна, без эфекту
Прымай падзяку-пахвалу
І беларускаму палетку,
І беларускаму сталу!

Н.Гілевіч "Родныя дзеці"

18 лістапада ў гімназіі-каледжы прайшоў чарговы беларускамоўны чацвер. У гэты раз навучэнцы гімназіі прымалі актыўны ўдзел у гульні "Беларускія прысмакі". Які ж беларус не любіць паесці! А колькі смачных нацыянальных страў ёсць у беларускай кухні! Дома вучням патрэбна было намаляваць нацыянальную страву і напісаць яе рэцэпт. У час заняткаў вучні даведаліся, што гатавалі нашы продкі, дзяліліся рэцэптамі, адгадвалі загадкі, успаміналі прыказкі пра ежу,  з задавальненнем удзельнічалі ў інтэрактыўных гульнях, прысвечаных стравам беларускай кухні. А ў вольны час паабяцалі прыгатаваць разам з матуляй хрушч ці наліснікі.

Настаўнік беларускай мовы і літаратуры Дабравольская І.В.

Вiктарына "Размаўляем па - беларуску"

11.11.2021

11 лiстапада ў 4В класе адбылася вiктарына "Размаўляем па-беларуску". Вучнi расказалi вершы пра родную мову. Дзве каманды "Ружа" i "Бэз" змагалiся ў конкурсах: "Складзi прыказку", "Загадкi - пытаннi", "Выпраў памылкi", "Наборшчыкi", "Скарагаворкi". Пад час гульнi дзецi пашырылi i ўзбагацiлi свой слоўнiкавы запас. Усе ўдзельнiкi сталi пераможцамi.

Настаўнік пачатковых класаў Платонава І.А.