Папулярызацыя беларускай мовы
У гэтым навучальным годзе дзве вучаніцы з 7 “Б” класа сталі ўдзельнікамі і прызёрамі двух творчых літаратурных конкурсаў.
Білаус Марта атрымала дыплом 2 ступені за верш “Памяці Васіля Быкава” ў гарадскім этапе рэспубліканскага інтэрнэт-конкурсу “Чалавек свайго лёсу” да 100-годдзя В.Быкава.
Качанава Аляксандра атрымала дыплом 3 ступені за верш “Рагнеда” ў рэспубліканскім этапе літаратурнага інтэрнэт-конкурсу “Здабыткі гісторыі: асобы і падзеі”.
Віншуем дзяшчынак з перамогай! Так трымаць!
Памяці Васіля Быкава
Няма на свеце справы складаней, чым пісаць простую,
чэсную прозу пра чалавека…
Эрнэст Хемінгуэй
Уварвалась вайна ў жыццё юнака
І парушыла ўсе яго планы
Аб далейшым жыцці, аб шляху мастака…
Ён забыўся на ўсе свае мары.
Бруд ваенных дарог у поўнай меры спазнаў.
Смерць сяброў сэрца больна прымала.
У руках сваіх моцна вінтоўку трымаў,
Вера ў лепшае сіл надавала.
Толькі ў пісьмах да маці ён мог расказаць
Колькі жахаў прыйшлося пабачыць.
Зрэла думка аб тым, каб вайну паказаць
Без прыкрас, толькі праўду зазначыць.
У акопах пісаць стаў нататкі свае,
Думы-роі ляглі на паперу.
І герой невыдумны, ён побач ідзе
У “Альпійскай баладзе”, “Кар’еры”.
Для нашчадкаў пісаў, шкадаваўшы аб тым,
Што яго пакаленне “забіта”.
Каб малы і дарослы ўсю праўду чытаў,
Аб загінуўшых памяць была не забыта.