25.01.2019

24 студзеня гімназію-каледж наведалі супрацоўнікі Магілёўскай абласной бібліятэкі імя Леніна. Для сямікласнікаў яны падрыхтавалі прэзентацыю, прысвечаную Году малой радзімы, «Таленты ад роднай зямлі», у якой былі прадстаўлены знакамітыя дзеячы Беларусі, ураджэнцы Магілёўшчыны.

Магілёўшчына спрадвеку славіцца песеннасцю, яна стала радзімай для многіх таленавітых празаікаў і паэтаў. Вучні з цікавасцю паслухалі лекцыю пра класікаў беларускай літаратуры: В. Дуніна-Марцінкевіча, А. Абуховіча, М. Гарэцкага, А. Куляшова, І. Чыгрынава, А. Пысіна, вядомых літаратуразнаўцаў – І. Насовіча, Ф. Янкоўскага.

Кожная такая сустрэча - цікавая і змястоўная для вучняў, спадзяемся на хуткую новую сустрэчу з бібліятэкай!

 Настаўнік беларускай мовы і літаратуры Дабравольская І.В. 

                                                           

< Предыдущая		Следующая >