Конкурс на лепшага чытальніка твораў пра Магілёўшчыну

Печать

7 лютага ў 5-ых класах прайшоў конкурс на лепшага чытальніка вершаў і празаічных урыўкаў пра нашу малую радзіму. Загадзя вучням было прапанавана знайсці вершы, пры дапамозе настаўніка навучыцца выразна іх чытаць і вывучыць на памяць. Урэшце прагучалі творы як беларускіх класікаў, так і сучасных пісьменнікаў. 1-е месца заняла Астанковіч Ульяна (5 “А” клас, верш Г. Лазюк “Васільковы мой край”), 2-е месца – Навумчык Кіра (5 “А” клас, верш А.Пысіна “Першамайская вуліца”), 3-е месца – Васараўдзіс Марыя (5 “А” клас, верш А. Пысіна “Магілёўская шаша”), на 4-ым месцы – дзяўчаты з 5 “Б” класа Дашкевіч Лізавета і Грынкевіч Марыя з вершам А.Пысіна “Балада Буйніцкага поля”.

Вялікая падзяка ўсім, хто ўдзельнічаў у конкурсе, не застаўся абыякавы да роднай мовы і сваёй малой радзімы!

Настаўніца беларускай мовы і літаратуры Дабравольская І.В.