Юныя таленты!
У 2022-2023 навучальным годзе вучаніца 6 “Б” класа Качанава Аляксандра стала ўдзельнікам і прызёрам двух творчых конкурсаў «Спроба пяра» і “Здабыткі гісторыі: асобы і падзеі”. За верш “У адзінстве – сіла!” у гарадскім конкурсе юных паэтаў “Спроба пяра” Аляксандра атрымала дыплом 3 ступені. Верш “Рагнеда” ў гарадскім і абласным этапах літаратурнага інтэрнэт-конкурса “Здабыткі гісторыі: асобы і падзеі” ў сакавіку атрымаў дыпломы 1 ступені. Віншуем Аляксандру з перамогай! Так трымаць!
У адзінстве – сіла!
Ад гнёту плечы згорбіўшы спрадвек,
Жыў просты беларускі чалавек.
Імкнуўся быць гаспадаром у продкаў доме,
Каб ставілісь з павагай к яго роднай мове,
Каб дзеці ведалі і ганарыліся: адкуль і хто такія,
А могілкі бацькоў, каб не тапталі сапагі чужыя…
Вось так і крочыць дзень за днём да мэты запаветнай.
Чым ён мацней, хітрэй драпежнік-вораг адпаведна.
Каб брат на брата, сын на бацьку не хадзілі
І каб з суседзямі былі і жылі ў міры.
Каб разам ворагам супрацьстаяць было магчыма,
Каб зразумелі ўсе: моц не ў руках, а ў адзінстве - сіла!
Рагнеда
Няўмольны час…
Бязлітасны лёс…
Пісаць пра яго немагчыма без слёз…
***
Сінія вочы не ведалі слёз.
Тата, матуля песцяць яе,
Дзяўчыну Рагнеду любілі ўсе.
Гора-бяда напаткала сям’ю,
Князь Уладзімір прынёс ім скрухỳ.
Быў ён бязлітасны з дзеўчынай той,
Гвалтам і сілай павёў за сабой.
Вольнаю птушкай князёўна была,
У клетцы сядзець яна не магла.
Помста ў думках зрэла даўно,
Памяць пра блізкіх сэрца пякло.
Толькі кінжал занесла яна
Над мужам-забойцам, як промень святла
На твар яго лёг – прачнуўся тыран.
Узняўся ў пакоі страшэнны буран.
Сынок Ізяслаў – сапраўдны герой,
За маці ўступіўся прад бацькам гарой.
Не даў яе знішчыць, падставіў плячо.
Пайшоў за матуляй адважна з мячом.
Рагнеда манахіняй стала тады,
І веру хрысціянскую несла ў рады.
Тры імя князёўны з далёкіх часоў
Дайшлі да нашчадкаў ад сівых муроў.
Прайшло шмат гадоў з тых даўніх часоў,
Рагнеду заўжды ўспамінаем,
Каб моцнымі духам стаць, быць, як яна,
Сумленне не страціць жадаем.
| < Предыдущая | Следующая > |
|---|