Сустрэча са старшынёй Магілёўскага ТБМ Дзьячковым А.У.

20.12.2018

20 снежня адбылася сустрэча дзевяцікласнікаў са старшынёй Магілёўскай гарадской арганізацыі “Таварыства беларускай мовы імя Ф. Скарыны” Дзьячковым Алегам Уладзіміравічам. Гісторык, актывіст, чалавек, нераўнадушны да лёсу беларускай мовы, з задавальненнем адгукнуўся на запрашэнне ў госці. Вучні з цікавасцю праслухалі лекцыю пра гістарычныя мясціны сваёй малой радзімы, прагледзелі прэзентацыю і атрымалі асалоду ад чыстай беларускай гаворкі. Завяршылі сустрэчу вершам магілёўца, паэта, крытыка Сяргея Украінкі «Дзе адшукаць замову», які прымусіў задумацца кожнага пра лёс роднай мовы:

Дзе адшукаць замову
Ад абыякавасці да мовы?
Не да нямецкай,
Не да французскай –
Да сваёй, беларускай…

Настаўнік беларускай мовы і літаратуры Дабравольская І.В.