Жывёлы Беларусі

У межах адзінага дня беларускай мовы 1 лістапада ў 1 «Б» класе прайшло пазакласнае мерапрыемства пад назвай «Жывёлы Беларусі».

У ходзе мерапрыемства вучнi замацоўвалi веды аб дзiкiх жывёлах, разгадвалі загадкі, складалі невялікія апавяданні па малюнках, адказвалі на пытанні, з цікавасцю прымалі ўдзел у гульнях «Перакладчык», «Закончы сказ», «Адзiн –многа».

Вучнi актывiзавалi слоўнiкавы запас, даведался, як гучаць назвы жывёл на роднай мове.

Настаўнiк пачатковых класаў Гарадзецкая А.А.

Гульня-падарожжа "Беларусам я завуся - родным краем ганаруся"

26 красавіка ў вучняў пачатковых класаў групы падоўжанага дня прайшла гульня-падарожжа "Беларусам я завуся - родным краем ганаруся". Дзеці з задавальненнем адправіліся ў цудоўнае падарожжа па Беларусі, дзе яны змаглі высветліць, што ведаюць пра сваю краіну, пра родны горад, у якім жывуць, падзівіцца на дзівосныя беларускія краявіды, А таксама даведацца шмат новага і цікавага.

У час падарожжа кожны з вучняў меў магчымасць прадэманстраваць свае веды пра Беларусь і тым самым даказаць, што ён сапраўды беларус. Мерапрыемства было пазнавальным і цікавым, усім вельмі спадабалася!

Выхавальнік ГПД Кузьміна Р.В.

Гульня-віктарына “Беларуская скарбонка”

19 кастрычніка ў 1 “А” класе прайшла гульня-віктарына “Беларуская скарбонка”. Мэтай гульні была папулярызацыя беларускай мовы, развіццё камунікатыўных навыкаў навучэнцаў. Вучні з захапленнем выконвалі заданні: перакладалі словы, адгадвалі загадкі, расказвалі вершы, знаёміліся з беларускімі прыказкамі і прымаўкамі.

Настаўнік пачатковых класаў Церахава А.Г.

Па старонках календара “Святы восені”

Вучні 7 “Б” класа падрыхтавалі інфармацыю пра восеньскія народныя святы і наведаліся ў госці да малодшых сяброў у 3 “А” клас.

Сямікласнікі расказалі пра Пакровы і Дзяды, святы, якія шанавалі нашы продкі.

Пакровы – старажытнае земляробчае свята славян, якое адзначалася 1 кастрычніка (па старым стылі) як свята заканчэння палявых работ. Вытокі Пакрова – у глыбокай старажытнасці, з часоў язычніцтва.

Дзяды - гэта гуманны памінальны абрад, якім беларускі народ спрадвеку ўшаноўваў памяць продкаў.

Дзеці ўважліва слухалі і задавалі пытанні, напрыканцы праспявалі народную песню “Ой, рэчанька, рэчанька”. Сустрэча атрымалася плённай і цікавай.

Настаўнік беларускай мовы і літаратуры Дабравольская І.В.

Рэспубліканская алімпіяда па беларускай мове і літаратуры

Дадзены старт першаму этапу рэспубліканскай алімпіяды па вучэбных прадметах. Усе жадаючыя 9-х класаў прынялі ўдзел у алімпіядзе па беларускай мове і літаратуры.

Знаўцам роднай мовы патрэбна было зрабіць 10 заданняў комплекснай работы і напісаць водгук на верш Рыгора Барадуліна. Пераможцы прымуць удзел у другім этапе, які пройдзе ў лістападзе месяцы.

Настаўнікі беларускай мовы і літаратуры

Свята бульбы “Беларуская іншаземка”

28 верасня ў групе падоўжанага дня для вучняў чацвёртых класаў адбылося мерапрыемства “Беларуская іншаземка”, прысвечанае самай папулярнай беларускай гародніне – бульбе.

Напярэдадні свята  была арганізавана выстава “Бульбяныя цуды”, на якой дзеці паказалі свае вырабы з бульбачкі. Яны творча падышлі да справы і заўважылі “незвычайнае ў звычайным”.

Беларускае слова, народныя песні дапамаглі ўсім прысутным акунуцца ў атмасферу святочнага настрою! Бацькі для пачастунку прыгатавалі стравы з бульбы , у якія ўмясцілі сваю пяшчоту і кулінарныя таленты!

На мерапрыемстве вучні паведамілі і аб тым, як у гады  Вялікай Айчыннай вайны іх прабабулі і прадзядулі, тагачасныя дзеці, на працягу ўсяго жыцця ўспаміналі пра голад, пра тое, як елі гнілую бульбу і хлеб з бульбянога шалупіння, дзякуючы чаму і здолелі выжыць, шкадавалі, як у іх забралі шчаслівае дзяцінства. І яшчэ раз дзеці пераканаліся ў  тым, што трэба берагчы мір і спакой на нашай роднай зямлі.

Напрыканцы мерапрыемства  ўсе ўдзельнікі пачаставаліся бульбянымі прысмакамі!  Было вельмі смачна!

Гэта свята дапамагло дзецям дакрануцца да народных вытокаў і беларускіх традыцый.

Аўтушэнка Э.Д., выхавальнік ГПД

Свята беларусаў «Багач»

21 верасня ў 2 «Б» класе вучні даведаліся пра свята беларусаў «Багач» . Гэта старажытнае свята заканчэння ўборкі зерневых і азімай сяўбы, водгук язычніцкага свята земляробчага культу «бога сонца, бога дастатку і багацця».

Багач сімвалізуе дастатак, багацце, якое прыйшло да земляроба. На свята ладзілі ўрачыстую вячэру: рабілі каўбасы, смажанае мяса, абавязкова бліны з маслам.

Вучні пазнаёміліся з абрадам «Багач», пажадалі адзін аднаму добрага ўраджаю.